الرئيسية
مــرحباني الشيووخ
فالكم الصحة والسهالة
ما بطول عليكم
سويت بسيط جدا مابياخذ عليكم حتى 10 دقايق ولذيذ وايد
المقادير
خليط كيك العلالي ==> افضّل البني اللي بالشكولاته
1_كراميل == > على حسب الرغبه تبونه عادي ولابالشكولاته
3او _4 اكياس دريم ويب
بسكوت
2 _ قشطه
1_ نوتيلا صغير
كوب حليب
..
اول شي انجهز الكيكه ..
المقادير موجوده ورى فالكرتون اللي هي 3 بيضات و زيت وماي وخليط الكيك
نخلطهم مع بعض وخلاف نحطها ف الفرن ..
..
ولين ماتهزب الكليكه انسير انسوي الخلطات الثانيه ..
خلطه (أ)
نحط الدريم ويب والكراميل وقشطه وحده. وكوب حليب. ونخلطهم وعقب نحطهم ف الثلاجه
..
خلطه (ب)
نحط القشطه والنوتيلا حسب الرغبه ==<انا احطه كله
ونخلطهم وعقب نحط الخلطه فـ الثلاجه
..
نرد ونشوف الكيكه جان زهبت ولا لا .. واذا زهبت انطلعها ..
المهم الحين نبدا نرتب السويت فـ الفايركس ..
اول شي نحط شوي من الخلطه (أ) وعقب نحط الكليكه ونرد نحط فوقها الخلطه (أ) مره ثانيه
قبل لا نحط فوقها الخلطه (أ) بالسجين شوي شوي نسوي شرات الفراغات(التشققات) عشان الكيكه تتشرب الكريمه..==< وحده ماتعرف تشرح
وعقب انبلل البسكوت بالماي او الحليب .
وانصفه بالترتيب والفراغات اللي بينهم انحاول انحط فيها بسكوت بعد ..
عقب انيب الخلطه (ب) ونحطها فوق البسكوت ..
ونحطها ف الثلاجه ..
ويقدم بارد==<
وهني وعافيه
